30 Joor Wageclique Ratzeputzer

Das mol isch es s drissig Joor,
die Meischte hän scho graui Hoor.

Dr erst Wagebau no uf em Sunnehof in dr Schüre,
hüt muesch di Chare uf Seewe stüre.

Drissig mol hämmer gsägt und gschliffe,
und uf mängi Vorschrift pfiffe.

Dr eint oder ander Ratzi het gseit es längt,
und het sini Zoggli an Nagel ghängt.

Mängmol het dr Waggiswage nid gnueg chönne koste,
und mängmol hämer uns alli uf e Dumper gmoschte.
S` Comite het gseit, das isch kei Waggiswage,
das schlot uns au no hüt uf e Mage.

S` isch in Aesch in aller Munde,
d Ratzis fire ihre Runde.

Drum het me überschnurrt und au chli gschummlet,
und fascht alli alte Ratzis wieder zämme trummlet.

Z Aesch am Umzug chasch uns den winke,
und vilicht au e Ratzeputzer trinke.